Nga QAZIM SHEHU
Mendja nuk i krijon heronjtë
Ata janë dhe u bënë të tillë
Për ne pa pasur nevojë
Siç nuk ka një lis në pyll…
Heronjtë njerëz ishin si ne
Po një çast prej nesh u shkëputën
Për të krijuar një këngë të re
Me çiftelinë dhe lahutën…
Kënga për ta rron me ne
Ata jetojnë veç në lavdi e nder
Por shpesh habiten pse s`e vëmë re
Kur kaq lart i ngremë për habi…
Mungresën e guximit kur justifikojmë
Ata që donim ta bënim ne,
Dhe me këtë trill vazhdojmë e rrojmë
Kur idealet hedhim përdhe..
Një trup, një shpiŕt
Nga Arben Alliu
Një trup një shpirt,
Bashkë të behemi ne;
Për Shqipërinë e dashur,
Për këtë mëmëdhe.
Për shqipen e shumvëuajtur,
Të përçarë e sakatosur,
Aq shumë e lodhur;
Shpesh here gjakosur.
Le ti lëmë hatërmbetjet,
Ti hedhim në det,
Jemi të një gjaku
Flamuri na thërret.
Një trup, një shpirt
Një gjak jemi ne,
Ane kand botes
Me të madhin Skënderbe.