l
Faqe e Pare
Organizata

veterani arkiva
veterani Veterani

link Linke

 

Shqipëria do të vazhdojë kontributin e saj ushtarak në misionet ndërkombëtare të udhëhequra nga NATO


Ministeriali i Mbrojtjes i NATO, Koçi: Shqipëria
i përmbahet zotimit për të investuar në Mbrojtje

Shqipëria do të vazhdojë kontributin e saj ushtarak në misionet ndërkombëtare të udhëhequra nga NATO. Lajmin e ka bërë të ditur Zëvendësministri I Mbrojtjes Petro Koçi, i cili dy ditë me rradhë ka ripërfaqësua Shqipërinë në Ministerialin e Mbrojtjes së NATO- s.
“Është nder dhe krenari për mua që për dy ditë me rradhë të ripërfaqësoj Shqipërinë në Ministerialin e Mbrojtjes së NATO- s. Lajmi më i mirë për organizatën tonë është ripërforcimi i angazhimit të SHBA ndaj NATO -s dhe Mbrojtjes Kolektive”, deklaroi numri 2 I dikasterit të Mbrojtjes për gazetën “Veterani”. Duke vlerësuar kontriburin e Shqipërisë në Aleancëbn e Atlantikut, z.Koçi tha se “Ne mirëpresim Raportin NATO 2030 ‘United for a Neë Era’.” Ai bën të ditur gjithashtu se Shqipëria do të vazhdojë kontributin e saj ushtarak në misionet ndërkombëtare të udhëhequra nga NATO dhe do të respektojë rritjen e buxhetit për Mbrojtjen, pavarësisht shtrëngimeve buxhetore që shkaktoi tërmeti shkatërrues i 26 Nentorit 2019 si edhe kriza e kuptueshme që sjell pandemia e Covid 19.
Ministrat e Mbrojtjes së NATO-s u takuan virtualisht nëpërmjet telekonferencës së sigurtë datë 17-18 shkurt 2021, për të adresuar disa çështje kyçe të sigurisë: përshtatjen e Aleancës nëpërmjet iniciativës “NATO 2030”, progresin drejt ndarjes së drejtë të barrës “fair burden-sharing”, Shkurajimin dhe Mbrojtjen “Defence and Deterrence” e përforcuar të NATO-s, operacionet dhe misionet e NATO-s në Afganistan dhe Irak, etj.


Ministeriali u zhvillua sipas programit me dy sesione formale vetëm me vendet e NATO-s dhe një sesion i veçantë me vendet partnere të NATO-s, ku morën pjesë ministrat e Mbrojtjes së Finlandës, Suedisë dhe përfaqësuesi Bashkimit Evropian për Punët e Jashtme dhe Sigurinë dhe zëvendëspresident i Komisionit Evropian z. Josep Borrell.
Për shkak të infektimit nga Covid-19, ministri i Mbrojtjes z. Niko Peleshi nuk mund të merrte pjesë në këtë takim dhe u përfaqësua nga zëvendësministri i Mbrojtjes z. Petro Koçi. Në fjalën e tij, z. Koçi përshëndeti Raportin NATO 2030 dhe e konsideroi atë si një bazë e fortë për diskutime të mëtejshme. Ai theksoi rëndësinë e madhe të parimeve kryesore të unitetit, solidaritetit dhe kohezionit ndërmjet vendeve anëtare të Aleancës si dhe rëndësinë e lidhjes transatlantike. Për Raportin NATO 2030, z. Koçi vlerësoi gjetjet dhe rekomandimet dhe siguroi vendet anëtare se Shqipëria do të japë kontributin e saj në përmbushjen e detyrimeve dhe përballjen me sfidat që e presin Aleancën. Për sa i përket Zotimit për Investime në Mbrojtje (DIP), z. Koçi siguroi se Shqipëria do të mbajë këtë zotim dhe se është në rrugë të mbarë për implementimin e tij, pavarësisht impaktit financiar të krijuar nga tërmeti i vitit 2019 dhe pandemia Covid-19. Ndërsa, për kontributet në operacione dhe misione të NATO-s, Z. Koçi pasi vlerësoi kontributin e trupave ushtarake në operacione dhe misione dhe aktivitete të NATO-s në këtë kohë pandemie, konfirmoi ruajtjen e angazhimeve aktuale të Shqipërisë në Kosovë dhe Letoni, si dhe vijimin e kontributit shqiptar në Afganistan në përputhje me vendimmarrjen kolektive të Aleancës sipas parimit “In together – out together”.
Sekretari i Përgjithshëm i NATO-s Jens Stoltenberg theksoi se ky takim është një moment i rëndësishëm dhe bazë për përgatitjet për samitin e krerëve të shteteve të Aleancës në fund të këtij viti.
Z. Stoltenberg në fjalën e tij përmendi punën e bërë në hartimin e dokumentit “NATO 2030”, që do të shërbejë si bazë për hartimin e Konceptit të ri Strategjik të Aleancës. NATO 2030 ka për qëllim të bëjë Aleancën transatlantike më të përshatshme për të ardhmen nëpërmjet disa propozimeve ambicioze për përgatitjen e samitit të ardhshëm të krerëve të vendeve të NATO-s, ku ndër të tjera përmendim: rritjen e angazhimit për shkurajimin dhe mbrojtjen, duke inkurajuar Aleatët për të ofruar më shumë kapacitete duke ruajtur parimin e ndarjes së drejtë të barrës; rritjen e nivelit të ambicies për rimëkëmbjen (resilience), e cila është vija e parë e mbrojtjes; promovimi i bashkëpunimit transatlantik për inovacionin në fushën e mbrojtjes duke ruajtur nivelet më të larta të teknologjisë; përmirësimin e aftësive trajnuese dhe ngritja e kapaciteteve në vendet pratnere të NATO-s; përditësimi i Konceptit Strategjik të NATO-s; etj.
Ky ishte Ministeriali i parë i Mbrojtjes me administratën e re të presidentit Biden dhe u vlerësua për hapjen e një kapitulli të ri në marrëdhëniet midis Evropës dhe Amerikës së Veriut.







Kololel Sotir Budina Kryetari i OBVL-së


 

Arkiva e gazetes