Ç’farë shkruan autori, si hyrje e librit te tij “Vajza që sfidoi oficerin grek”?
Mirënjohe OBVL-së dhe gazetës “VETERANI”
Nga Zaim SEFA
Prej tre vitesh që bashkëpunoj me gazetën “VETERANI” kam arritur në konkluzionin se kjo gazetë është një konkuruese e denjë në tregun mediatik shqiptar.
Larmia e rubrikave e tematikave dhe hapja ndaj lexuesve e opinionistëve ia ka rritur vlerat kësaj gazete. Botimi i saj, e printuar dhe në internet u ka krijuar shansin që të njihen me të, të shkruajnë e të botojnë artikujt e tyre, jo vetëm veteranëve e pasardhësve por çdo njërit që dëshiron të njohë e propogandojë vlerat e Luftës së lavdishnme Antifashiste Nacionalçlirimtare.
Kështu “Veterani” është bërë gazetë e edukimit patriotik të brezave, si përçuese e historisë së lavdishme të popullit tonë në shekuj.
Para tre vitesh e solla me mëdyshje një artikull për patriotët e zonës time, Arrnit të Kukësit, por kur ai pa dritën e botimit në numrin e radhës, me dhjetra bashkëfshatarë më uruan, çka do të thotë se ata e kishin marrë dhe lexuar gazetën “VETERANI”.
Unë gjej rastin të falenderoj kryeredaktorin e gazetës z.Halil Rama dhe zëvendëskryeredaktorin z.Sakip Cami, dy publicistë e shkrimtarë të njohur që me seriozitetin e përkushtimin e tyre e kanë rritur në vazhdimësi cilësinë e “VETERANI”-it.
Me këtë rast ftoj anëtarët e organizatës së Bashkusra të Veteranëve të LANÇ të popullit shqiptar që të ndihmojnë këtë gazetë me artikujt e tyre për probleme të ndryshme.
Mirënjohje të veçantë i shpreh kryetarit të OBVL-së, kolonel Myfit Guxhollit dhe gjithë kryesisë së kësaj organizate për rolin që kanë luajtur dhe luajnë në mbrojtje të vlerave më të mira atdhetare të popullit tonë.
|
botime
