l
Faqe e Pare
Organizata

veterani arkiva
veterani Veterani

link Linke

 

Niset Kontigjenti i Dytë me mision pranë KFOR në Kosovë
PELESHI: Shqipëria, faktor paqeje dhe stabiliteti në rajon

• 30 trupat e Kontingjentit të 2-të nga Forca Tokësore, efektivë të Batalionit Komando (nga Regjimenti i Operacioneve Speciale - ROS) do të shërbejnë në zonën e Pejës, krah për krah me kolegët e tyre italianë dhe kroatë

E martë, 23 gusht 2022 - Kontingjenti i 2-të me 30 efektivë nga Forca Tokësore, efektivë të Batalionit Komando (nga Regjimenti i Operacioneve Speciale - ROS) janë nisur për në Kosovë për të shërbyer si pjesë e misionit të KFOR. Ministri i Mbrojtjes Niko Peleshi, i pranishëm në ceremoninë e përcjelljes, e vlerësoi këtë si një moment të veçantë për faktin se këta efektivë nisen në mision si përfaqësues të vendit në përpjekjet e Aleancës së NATO për t’i shërbyer sigurisë dhe paqes. “Republika e Shqipërisë në vijimësi ka dëshmuar se është jo vetëm faktor paqeje dhe stabiliteti rajonal e më gjerë, por edhe një aleat serioz, i cili merr përsipër dhe mban barrën e detyrimeve dhe në kuadër të mbrojtjes kolektive të Aleancës”, - u shpreh gjatë fjalës së tij z. Peleshi.
Ministri i Mbrojtjes theksoi mbështetjen e pakursyer të Shqipërisë ndaj aspiratave të Kosovës, por vlerësoi edhe rritjen e pranisë së forcave të vendeve të Aleancës si pjesë e KFOR. “Mbështetja e Kosovës në aspiratat e saj kundrejt anëtarësimit në organizatat ndërkombëtare, duke kontribuar në forcimin e paqes dhe sigurisë, inkurajon zhvillimin e rajonit dhe frenon zgjerimin e influencës të vendeve të tjera, që sfidojnë demokracinë në vendet e Ballkanit Perëndimor. Sfidat tona të sigurisë mbeten të përbashkëta, të pandashme dhe të gjithanshme. Ato vijnë nga çdo drejtim dhe mund të cenojnë sigurinë dhe stabilitetin në rajonin tonë dhe më gjerë. Ministria e Mbrojtjes vlerëson dislokimin dhe rritjen e prezencës së forcave të armatosura të vendeve aleate dhe partnere në Misionin e KFOR-it. Ky është një kontribut i madh i Aleancës për stabilitetin e Ballkanit Perëndimor. Siç e nënvizoi dhe sekretari i Përgjithshëm i NATO, pak ditë më parë, trupat e KFOR në Kosovë janë të gatshme dhe të vendosura për të ndjekur detyrën e tyre në përmbushje të misionit për të ruajtur një mjedis të sigurt në Kosovë dhe në rajon”, - u shpreh ministri i Mbrojtjes.
Peleshi vlerësoi edhe efektivët e Kontingjentit të Parë, të cilët sipas tij kanë treguar vlera dhe standarde të larta morale dhe, me profesionalizmin e tyre, kanë fituar respektin dhe besimin e plotë të komandës të operacionit dhe efektivëve të tjerë të aleatëve të NATO.
30 trupat e Kontingjentit të 2-të nga Forca Tokësore, efektivë të Batalionit Komando (nga Regjimenti i Operacioneve Speciale - ROS) do të shërbejnë në zonën e Pejës, krah për krah me kolegët e tyre italianë dhe kroatë.
Në ceremoninë e përcjelljes morën pjesë shefi i Shtabit të Përgjithshëm të FA, gjeneral brigade Arben Kingji, zëvendëskomandanti i Forcës Tokësore, oficerë, nënoficerë si dhe familjarë të efektivëve.





Kololel Sotir Budina Kryetari i OBVL-së


 

Arkiva e gazetes